အရိုင်းစိတ်တွေ ပေါက်နေတဲ့ တောင်တန်း
အပြစ်ကင်းဖြူစင်ခြင်းတိမ်များ
ရွေ့လျား ကုန်ကြပြီ
မာန်ထနေတဲ့ ပင်လယ်လှိုင်း
သပ်သွင်းခံထားရတဲ့ မုတ်သုန်များ
အစိမ်း……အစိမ်း ဖြစ်နေ
သစ်ဝါးတို့ ရိတ်သိမ်း ခံရတဲ့ ဆုံး
ကြည်လင်တဲ့ စိတ်တို့ ပျက်သုဉ်းလို့
ရွာသူအနှောက်ခံထား
သူလို
တည်ငြိမ်ခြင်းတို့ မဲ့လျော့ကုန်ပြီ ……။
သိင်္ဂါလှိုင်(ကဗျာမြေသား)
29082014
19:29
"ဆင်းရဲ ချမ်းသာ"
ကြည့်မြင်သူရဲ့ စိတ်ဟာ
သူ့
အသိဥာဏ်ကို ဖော်ပြတယ်
အသွင်ကွဲတဲ့ အယူဆများကြား
ခေါင်းမာ
ယုံကြည်ရာ စိတ် ပန်းတိုင်
လျှောက်လှမ်းနေခဲ့
တရားကိုတရားသာ စောင့်ရှောက်တယ်
ဘယ်လောက်ချမ်းသာပြီ
ဘယ်လောက်ဆင်းရဲတယ်
မမေးနဲ့
ငါ့ရဲ့ ဆင်းရဲမှု့ဟာ
ငါ့ရဲ့ ချမ်းသာခြင်း
ငါ့ရဲ့ ချမ်းသာမှု့ဟာ
ငါ့ရဲ့ ဆင်းရဲခြင်းပါပဲ……။
သိင်္ဂါလှိုင်(ကဗျာမြေသား)
21082014
15:40
ပဲ့တင်သံများ
ဒြပ်ထုတစ်ခုရဲ့ အရိပ်
ချေဖျက်နေ တဲ့ စိတ်
အော်သံနောက် ပဲ့တင်ထပ်လာတဲ့ အသံ
လွှမ်းနိုင်အောင် အသံကုန်ဟစ်နေတဲ့ စိတ်
သံသရာ ထပ်ထပ်ကျော့နေ
ကိုယ့် စိတ်နဲ့ကိုယ်
သံသယ
အရူးဖြစ်နေတဲ့ ဘဝများ
အမှန်မသိတဲ့ လမ်း
ရှည်လျားနေခဲ့ပေါ့……။
သိင်္ဂါလှိုင်(ကဗျာမြေသား)
23082014
17:21
"မျော့တွေ ပျောက်သွားတဲ့ ည"
မျော့တွေ လာကြတယ်
ငါ့
အိမ်မက်ထဲ
နောက်
ထွက်သွား ကြတယ်
အရိုးပြိုင်းပြိုင်းကျနေတဲ့
ငါ
ချဉ်ဆီခမ်းတာ သိသွားတဲ့ နောက်
မျော့တွေ မလာတော့ဘူး
အိပ်မက် ကို
ငါ
ဆက်မက်နေတုန်းပဲ……။
သိင်္ဂါလှိုင် ကဗျာမြေသား
21082014
07:40
မျော့တွေ လာကြတယ်
ငါ့
အိမ်မက်ထဲ
နောက်
ထွက်သွား ကြတယ်
အရိုးပြိုင်းပြိုင်းကျနေတဲ့
ငါ
ချဉ်ဆီခမ်းတာ သိသွားတဲ့ နောက်
မျော့တွေ မလာတော့ဘူး
အိပ်မက် ကို
ငါ
ဆက်မက်နေတုန်းပဲ……။
သိင်္ဂါလှိုင် ကဗျာမြေသား
21082014
07:40
"မရှိခြင်းက မြေကြောချုံ့စေတယ်"
အားနေတဲ့ စိတ်
အိမ်မှာပဲ ကျောက်ချထားလိုက်တယ်
အိတ်ကပ်မပါတဲ့ အင်္ကျင်္ီ ကိုဝတ်လို့
မျက်လုံးကိုပဲ အလုပ်ပေး
ဦးဏှောက်ကို ဓာတ်စာကျွေးနေမိပေါ့
မလာသူကိုလဲ မမျှော်တော့ဘူး
အတုအစစ်ကို မှတ်ကျောက်တင်နေတဲ့
ငရဲမီးမှာ
ရွှေအစစ်က ရှာမတွေ့ခဲ့
သိင်္ဂါလှိုင် ကဗျာမြေသား
19082014
17:59
ဆိုက်တွဲ
ဝမ်းရေးက
တစ်ယောက်ထဲတုန်းကလို
ကယ်ရီယာခုံလေးနဲ့ အလုပ်မဖြစ်တော့
များသယ်မြန်မြန်ပို့
ငါ့မိသားစုလေး ဝမ်းဝဖို့ ဆိုတဲ့
ခေတ်ကတောင်းဆိုတိုင်း ဘေးကတွဲခေါ်နေရတယ်
သမီးလေး ကျောင်းတက်ဖို့
သားငယ်လေး ကျူရှင်ဖိုး
အလီလီဖြည့်ဆီးပေးရအောင်
ကြပ်နေတဲ့ခေတ်ကြီးမှာ
မျက်ဖြူဆိုက်နေတဲ့ တွဲကြီး
လွယ်အိတ်ကြီးလို လွယ်သွားနေရတယ်...။
သိင်္ဂါလှိုင်(ကဗျာမြေသား)
19082014
15:08
တွင်ခုံ
ဘယ်လိုမာကြောကြော
လိုသလို ပုံဖော်ပေးတယ်
မာနတွေဖြိုချပေးတယ်
ငြင်းခုံးခြင်းတွေ ရှင်းလင်းပေးတယ်
မလိုချင်တာဖယ်
လိုချင်တဲ့အရာ ချန်လို့
အသုံးမဝင်တဲ့ အရိုင်းများ
ယဉ်ကျေးစေခဲ့ပေါ့....။
သိင်္ဂါလှိုင် (ကဗျာမြေသား)
19082014
10:02
အညမည
ဖန်ခွက်ရဲ့ထုထည်
အလင်းကဖော်ပြတယ်
ရှိခြင်းက မရှိခြင်းကို ညွှန်းဆို
လက်ဖဝါး အမြင်တရားက လက်ဖမိုးကိုဖြစ်ပေါ်စေခဲ့
စာသားသက်သက် က
ပုံစံကို အဖော်ပြုတယ်
ဗလာနယ်ရဲ့ အရှိတရား
အသိဥာဏ်နဲ့ တိုင်းတာခဲ့
အကြောင်းမဲ့ မဖြစ်တတ်တဲ့ သဘာဝမှာ
အချစ်ရေ
အားလုံးကို အစွန်းမရောက်စေရဘူးဆိုတာ
သတိရှိ သိရပါတယ်
အလင်းကြောင့်
အမှောင်ဟာ ဘယ်လောက်မှောင်တယ်ဆိုတာ
ပိုပိုသိနေရတဲ့ ကမ္ဘာ
ဒီလိုနဲ့
ဘာမှမသိသေးတာ သိခဲ့ရတယ်
ကမ္ဘမှာ .......။
သိင်္ဂါလှိုင် (ကဗျာမြေသား)
အရောဝင်မိတဲ့လက်မှာ သွားရည်တွေနဲ့
ချိုမိုင်မိုင် အကနဲ့
သွားပေါက်နေတဲ့ လောက
ကျီစယ်စကားပြောခဲ့မိ ချစ်ခြင်း
မှားယွင်းခဲ့လေလား
ချိုချဉ်တစ်လုံး အတွက်
ထပ်နင်းခံလိုက်ရတဲ့ ခြေထောက်
ဒေါသပဲဖြစ်ရမလား
သကြားလုံးပဲ ထပ်ပေးလိုက်ရမလား
ပြိုင်ဖြစ်လို့
တူညီသွားမဲ့ ဘဝမှာ
သွေးထွက်တာပဲ အမြန်ကုလိုက်တော့မယ်
သိင်္ဂါလှိုင် ကဗျာမြေသား
17082014
11:44
်
"သတိရ ဆည်းဆာ"
ပူပင်တဲ့ စိတ်
ခြူစွဲခံကြောင်ခြေလှမ်း
လူတကာ ကြားမြင်နေကြ
ကလင်ဒါ ဂွင်ကျ
အလွမ်း
အချိန်တန် ရောက်ရောက်လာတယ်
ပြန်လာပြီ
သတင်း မကြားရ
ဆက်သွယ်ပြတ်တောက်သွားတဲ့ စွန်လေ
ရစ်ကြိုးဘီးလေးအဝေး ထွက်ပြေးလို့
ဘယ်အပင်မှာ သွားချိတ်နေလဲ
ကိုယ်ကတွေးလို့
စိတ်က မေးလို့
ညနေ…။
သိင်္ဂါလှိုင် ကဗျာမြေသား
14082014
17:49
တရေးနိုးဝေဒနာ
ဆာလောင်ခြင်း
ထမင်းလုံးတစ္ဆေခြောက်ခံရတော့
မျက်စိနှစ်လုံးပွင့်
ရေထသောက်ဖြစ်မိတယ်
ကျွဲနဲ့နွားသာကွဲတယ်
ဘာစီးစီး ဖြေးဖြေးသွားနေတာပဲ
အသာမပြေတဲ့ဆာလောင်မှု့အတွက်
လစ်ပိုမုန့်တစ်ထုပ်ဟာ
အာသာပြေပေါ့
သတိရစိတ်နဲ့
နမ်းပစ်လိုက်တဲ့ သူမ ပါပြင်လေး မွှေးလို့
သူမကတော့
အိပ်မက်ထဲ ပျော်နေရှာတယ်
သိင်္ဂါလှိုင် ကဗျာမြေသား
18082014
00:44
"အညတရ အာဇာနည်"
ရွက်ခြွေခြောက်များ စိမ်းစိမ်းစိုနေတဲ့လမ်း
အနီရောင်များ စွန်းထင်နေရဲ့
အမှောင်ကြောက်လို့
အမှောင်ကို ငြိမ်းသတ်
ဘဝတွေ ကြွေကျစေခဲ့ပေါ့
ရိုးသားစိတ်နဲ့ယုံကြည်ရာ
သံမဏိစိတ်တို့ ထွန်းတောက်
သမိုင်းဟာ ရိုင်းပြခဲ့လေပြီ
အမည်မသိ သူတို့
ရဲသွေးနဲ့ အလင်းထွန်းညှိ
ခန္ဓာနဲ့တွန်းဖွင့်တဲ့ တံခါး
ကမ္ဘာမကြေတဲ့ ဥဒါန်း
အာဏာရှင်မုန်းတဲ့ အရိုးမြည်သံ
ဒီကျောင်းနရံ တွေမှာ ကြားနေရတယ်……။
သိင်္ဂါလှိုင် ကဗျာမြေသား
15082014
20:45
ကဗျာ ရေးမရခြင်း
တင်းကြပ်တဲ့ ဝေဒနာကို
ဖောက်ချဖို့
အက္ခရာတွေ ချိတ်ဆက်နေမိခဲ့တယ်
ကဗျာဟာ
ထွက်ပြေးသွားတဲ့ ရင်မှ
ခေါ်ယူမစွမ်းတဲ့ ည
လွတ်ပြစ်လိုက်တဲ့
စကားစု ဝါကျများသာ
တောင်ပုံယာပုံနဲ့ ငါ့ အခန်းထဲ
ကဗျာဟာ ဖြစ်မလာခဲ့
ခံစားချက်တွေ
မီးခိုးမဆုံး အတွေးမဆုံး
အရသာမဲ့တဲ့ သတင်းများ
ဆူညံနေမှုများ
ကောလာဟလများ
ရောထွေပြွတ်သိပ် ပြည့်သိပ်
အစဆွဲထုတ်စရာ စကားစများက
နာကျင်စရာတွေ ပဲဖြစ်နေ
အလှဓါတ်ပျောက်ဆုံးနေတဲ့ ကဗျာ
ရင်မှာ ထွက်ပြေးနေတဲ့ ကဗျာ
ပုံဖော်လို့ မရတဲ့ အဆုံး
နှလုံးသားအဟာရနဲ့
ကဗျာကို
ဒီည
ငါ
ကဗျာနဲ့မျှားနေမိခဲ့တယ်။
သိင်္ဂါလှိုင် ကဗျာမြေသား
20062014
20:49
ရန်ကုန် မှာ ကြွေသွားတဲ့ ကြယ်
ခဏ ရန်ကုန် ဆင်းမယ် ပြောပြီး
ပြန်မလာတော့ ဘူး
စာမလာ
သတင်းမကြားနဲ့
မန်းတလာ ကို ပြန်မလာတော့ဘူး
ပင်လယ်မှာ ပျော်
လယ်မြေမှာ ထွန်ယှက်
စာဝါလေး နဲ့ ပျော်နေရှာ သူ
ခေတ္တခဏ ခွဲခွာခြင်းက
မဆုံတွေ့ ဖြစ်တော့တာ မသိခဲ့
မာယာမြုံးထဲ မိသွားတဲ့ ငါးတစ်ကောင်
ရန်ကုန်မှာ ကြွေကျသွားတယ်
ကြွေခဲ့တယ် ကြယ်တစ်လုံး
လူတွေ မသိလိုက်တဲ့ ည
အသံလိုင်းက ကြားလိုက်ရ
ပုထုစဉ် သဘာဝ မှာ
မာရ်နတ်ဟာ ဘုရင် ဖြစ်တာ
ငါ သိလိုက်ရတယ်……။
သိင်္ဂါလှိုင် ကဗျာမြေသား
13082014
08:40
"အောင်ပင်လယ်"
ရှေး သမိုင်း ပြောစကားကြားခဲ့
ကနောင်မင်းသား လက်နက်ရုံထွက်ရေမြုပ်မိုင်း စမ်းသပ်ခဲ့ အောင်ပင်လယ် ကန်
ကြာဖြူကြာပြာ ပွင့်ခဲ့ တဲ့စကား
လူကြီးများပြော နားထောင် ရင်း
လယ်တော အစစ် ဖြစ် ခဲ့တဲ့ အောင်ပင်လယ်
နန်းတော် ရှေ့ဆရာတင် ကတော့
ကောင်းဖို့ ခေတ်ကို စောင့်မျှော် နေခဲ့တယ်။
သမိုင်း တန်ဖိုး အမွေအနှစ်
သဘာဝ သယံဇာတကို ခေတ် စံနစ် ခြစား
ရှေးစကားတွေ အဖြစ်နဲ့ အိပ်ယာဝင် ပုံပြင်
ဖြစ်ခဲ့ ရ အောင်ပင်လယ်။
တလင်းနယ်ဖို့ လယ်မြေကို မြေဖို့တာပါ
ဆိုတဲ့ အကြောင်းပြချက်နဲ့
ကုလားအုပ် ခေါင်းဝင်သလို အစပျိုးလို့
လယ်မြေကို တဲ ထိုးခဲ့။
လယ်မြေ ယာမြေကို အိမ်ခြံလုပ်တဲ့
ခရိုနီ သမား အတ္တများကြောင့်
လယ်ယာမြေများ အိမ်ခြံဖြစ်ရ ။
မန္တလေးတောင် ပေါ် ကြည့် ရှု့ခင်း
စိမ်းစိမ်းစို လယ်ကွင်အဖြစ်မှ
သွပ်မိုး ထရံ တိုက်အိမ်တွေ အဖြစ်မြင်တွေ့
အောင်ပင်လယ် မြို့ဖြစ်နေခဲ့ ပြီ။
တော်လိုက်တဲ့ ဦးနှောက်
ရာဇဝင် သမိုင်း ပျောက် လို့
မြို့တော် အသစ်ချဲ့ထွင်း တတ်လိုက်ပုံက
သမိုင်းဆိုတာ ရှေးစကားဖြစ်ခဲ့ရတယ်။
ဒီလိုနဲ့
နန်းတော်ရှေ့ ဆရာတင် သီချင်းကို ပဲ
ဆိုညည်းလို့ စိတ်ရှိလက်ရှိ
ကန်ဘောင်အထက်ကနေပဲ
အောင်ပင်လယ် အောင်ပင်လယ် အောင်ပင်လယ်
အော် ဆိုနေမိခဲ့တယ်။
သိင်္ဂါလှိုင်(ကဗျာမြေသား)
06042014
13:33
"ပန်းကလေး သိစေရန် ( ၇ )"
ပန်းကလေးရေ
တေးငိုသံကြားရတဲ့ နားဟာ
အခြားတစ်ဘက်ပြန်မထုတ်
နှလုံးအိမ်ကိုမှ လာပုတ်တော့
ငါ မခံစားနိုင်ခဲ့ဘူး။
မြင်သမျှခြောက်သွေ့တဲ့တောဟာ
လေကြောင့်လဲ တောက်လောင်တတ်တာ
သိခဲ့ရပြီ ပန်းကလေး။
သစ္စာတရားက
ပြန်မလာတဲ့လမ်းကို မျှော်ငေးလို့
တကိုယ်ရည် ညတွေ ဖြတ်သန်းနေပေါ့။
ဖြစ်ခြင်းတရားတွေနောက်
ပျက်ခြင်းတရားရှိတယ်ဆိုပေမဲ့
တောက်လောင်တဲ့ အလွမ်း
ငြိမ်းနိုင်ဖို့
ငါ ………
တစ်ဘဝလုံး စောင့်နေရတယ်
ပန်းကလေး။
သိင်္ဂါလှိုင် (ကဗျာမြေသား)
"ပန်းကလေး သိစေရန် ( ၆ ) "
ပန်းကလေးရေ
ရာသီလုနေတဲ့ ကာလ
သတိရနေမိတယ်။
လူမရှိတဲ့လမ်း
သတိရခြင်းတွေ ပြိုလဲနေလို့
အဖော်မဲ့ စိတ်တွေ လွမ်းနေမိတယ်။
ပန်းကလေး
မင်း အိပ်စက်နေပြီလား။
ငါတစ်ယောက်သာ
လမ်းပျောက်သူတစ်ယောက်လို
ယောင်ချာချာနဲ့
ဘဝက ညဥ့်နက်
အိပ်ပျက်နေခဲ့ ပြီ ။
မဲမှောင်နေတဲ့ ကောင်းကင်
ချိပ်ဆွဲထားတဲ့ " လ"
အဖော်မဲ့နေလိုက်တာက
အထီးကျန်ဘဝတူတွေ လို့ပြ
သူတောင် ငိုပြနေတယ်
ပန်းကလေး ။
အချစ်တစ်ခုရဲ့ ဒဏ်ရာ
ဝေဒနာတွေက တဆစ်ဆစ်
သောက်ဖြစ်တဲ့ဆေးလိမ်တောင် မီးသေ
ငါ့သွေးတွေ လှူနေဖြစ်တဲ့ ညပေါ့။
ပန်းကလေး
အလွမ်းစစ်စစ်ရနံ့ တွေ
တစ်ချက်ဝေ့ မြောက်လေမှာ
မင်းစိတ်မှာ ရှူရှိုက်မိလို့
ငါ့ အဖြစ် မင်းသိပါစေ ……။ ။
သိင်္ဂါလှိုင်(ကဗျာမြေသား)
"ပန်းကလေး သိစေရန် (၅)"
ငါ့ဘက်ကမှားသွားတာ
အရာရာ စိတ်ဆတ်လို့
ထစ်ကနဲဆို ပြောလိုက်မိတယ်
ပန်းကလေး။
ချစ်ခြင်းတရားကပေါက်ဖွားလာတဲ့
စိတ်ပူခြင်းတွေ
စိုးရိမ်ခြင်းတွေ
တာကျိုးလို့ လျံကျလာတဲ့ စိတ်
ငါမှ မထိန်းသိမ်တတ်သေးတာ
လက်လွတ်စပယ်ဖြစ်တယ်ဆို
တောင်းပန်ပါတယ်။
ပန်းကလေးရယ်
ရိုမန်တစ်ဆန်တဲ့စိတ်နဲ့ အချစ်
ဘဝဆန်တဲ့ ဦးနောက်ရဲ့အတွေးအခေါ်
လွန်ဆွဲနေတဲ့ ဘဝမှာ
ငါ ချစ်ခြင်းတရားက မှားယွင်းသွားလား
တကယ်တော့
ချစ်တာပဲသိပြီး အရာရာ မသိတဲသူဖြစ်ခဲ့။
ဘာပဲဖြစ်ဖြစ်
ချစ်ခဲ့တာ ရိုးသားခဲ့တယ်
မလိမ်ညာခဲ့ဘူး
မကောက်ကျစ်ဘူး
လူမှုရေးမသိတာလွဲလို့ပေါ့
ဒါကလဲ ငါ့ မာန ဖြစ်နေတယ်
ပန်းကလေး။
ချစ်ခြင်းတရားတစ်ခုအတွက်
ဘုရားသခင်က ဒဏ်ခတ်လိုက်မယ်ဆို
အဲဒီအပြစ်ဒဏ် ပြုံးပြုံးလေး ခံယူလိုက်မယ်။
ချစ်ခြင်းတရားက သူနဂို
ရိုးသားတယ်ဆိုတာ
ငါ ယုံကြည်နေလို့ပါ
ပန်းကလေး ။ ။
သိင်္ဂါလှိုင် (ကဗျာမြေသား)
"ပန်းကလေး သိစေရန် (၄)"
ပန်းကလေးရေ
ဖြူစင်ခြင်းသံယောဇဉ်
အရောင်စဆိုး ချစ်ခြင်းကို စဖြစ်ခဲ့သူပါ။
နေဝင်ညနေခင်းတိုင်း
မြေအိုးမြှီးရှည် စားခဲ့
နင့်အတွက်တော့ အစာပြေ
ငါ့အတွက် ညစာ ဖြစ်လို့
တစ်ဝိုင်းထဲစားတာတောင်
ရည်ရွယ်ချက်တွေ မတူညီခဲ့ကြ
ပြန်တွေး ကြည့်မှ သိခဲ့ရတယ်။
သူငယ်ချင်းဆိုတဲ့ စည်း
ခပ်ပါပါးလေး နင်းကျော်ခဲ့
ငါချစ်ခဲ့တာ တစ်ဘဝစာ
ယုံကြည်ခြင်းတွေ အပြည့်နဲ့ ပေါ့
ပန်းကလေး။
ဖြစ်ချင်တာနဲ့ဖြစ်သင့်တာတွေက
အချစ်ကို ကန့်သန့်
အိပ်မက်တွေပဲ ဖြစ်ခဲ့လိမ့်မယ် မထင်ခဲ့ဘူး။
တန်းဖိုးရှိတဲ့ ပန်း
လိုချင်သူတွေ များမှန်း
ငါ သိပါတယ် ပန်းကလေး။
စိတ်ညစ်ရင် ဟာသတွေဖတ်
ပြောဖြစ်ခဲ့တဲ့ စကားတွေက
ဟာသတွေဖတ် စိတ်ညစ်တတ်လာတယ်
နင့်ကို လွမ်းလာလို့ ဖြစ်မယ်။
လရောင်အောက်မှာ ရှာတဲ့အခြမ်း
နေရောင်အောက်မှာ လွမ်းလို့
ချစ်ခြင်းတရားက
နယူတန် နိယာမ ကန့်သတ်ခံ လို့
ဘာမြူဒါ တြိဂံဖြစ်နေရပြီ။
သိင်္ဂါလှိုင်(ကဗျာမြေသား)
"ပန်းကလေး သိစေရန် (၃)"
ပန်းကလေးရေ
လောကမှာ ပြောပြရင်
တစ်ထောင့်တစ်ည မဆုံးတော့ဘူး
ပန်းကလေး
စိတ်ကူးနဲ့ လက်တွေ့ တစ်ထပ်တည်းမကျ
အထင်နဲ့အမြင်ဆိုတာ ခြားနေတတ်တော့
ပြောတဲ့စကား ချင့်ယုံလို့
နောက်ကြောကဓါးထက်
သူခိုးဓါးကမ်းတာ ပိုကြောက်ရတယ်။
ပန်းကလေး
ခေတ်ကိုက ဘေးကြပ်နံကြပ်
အသက်မဲ့ မျက်နှာသေတွေနဲ့
အရာရာ စက်ရုပ်ဆန်
မေတ္တာဆိုတာ လူရွှင်တော်ဆိုတာပဲသိ
အရာရာ မေ့ပစ်နေတဲ့ခေတ်
ကလေးတစ်ယောက်လို
တခေတ်ခေတ် ပဲ ရယ်ချင်မိတယ်။
ပန်းကလေး
အချစ်နဲ့စစ်
ဘယ်လိုပင် ဖြစ်ဖြစ်
အနည်းဆုံးတော့ ကန်ရေပြင် သစ်ရွက်ကျသလို
ကယက်လေးတော့ ထစမြဲပါ။
(ဘာမှမဖြစ်ဘူးတော့မဟုတ်ဘူး)
ပန်းကလေး
အကြောင်းမကောင်းလို့
အရွေ့ခံ နှလုံးနဲ့ နာကျင်
ခံစားသူ စစ်စစ်ဖြစ်တော့
ဒဏ်ရာဆိုတာ သေရာပါတတ်တဲ့ အမာရွတ်ပါ။
ပန်းကလေး
လောကအကြောင်း ဝလုံးတောင်
ဝိုင်းအောင်မရေတတ်တော့
မင်းရဲ့အဘိဓမ္မာတွေနဲ့ ရှုံးချ
ငါပြောသမျှ ခြင်းကျားနဲ့ရေခတ်သလို
တင်ကျံမှုဆိုတာ ဗလာနတ္ထိဖြစ်ခဲ့ရပေါ့။
ပန်းကလေး
မင်းအတွေးနဲ့ မင်းအိပ်မက်
မင်းရရှိတဲ့လောက
မင်းဘဝ သာယာပါစေ ဆုတောင်းရင်းနဲ့
အဝေးတနေရာက ကျေနပ်နေသူပါ။
သိင်္ဂါလှိုင် (ကဗျာမြေသား)
ပန်းကလေး သိစေရန် ……၂
ပန်းကလေးရေ
အချစ်နဲ့အလွမ်းဆိုတာ
ငါ့အတွက်တော့ ဂျော့ ဒင်္ဂါပဲ ။
ပန်းကလေးရေ
ချစ်ခဲ့သမျှ လွမ်း
လွမ်းသမျှ ချစ်ချစ်နေတော့
အချိန်ပြည့် ဖြစ်တည်နေတဲ့ သတိရမှု့
ဖြေသိမ့်ခြင်းဆိုတာ လဲ
ဆင်သေကောင်းနဲ့ မျှောနေမိတဲ့ ကျီမိုက်
ပြန်လမ်းမဲ့နေရပြီ။
ပန်းကလေးရေ
ဖုန်းတစ်ဘက် နားရွက်ကပ်လို့
ငိုချင်းရှည်မျက်ရည်တွေက
ငါ့ဖုန်းလေးတောင် ဓါတ်ကူး
သူတောင့် မျက်ရည်ကျတတ်ပြီ။
ပန်းကလေးရေ
စွန့်သွားသူ မှာဒဏ်ဖြစ်မဖြစ် မသိပေမဲ့
ကျန်ရစ်သူကိုယ့်မှာတော့
ချွတ်မရတဲ့ အစွန်းတွေနဲ့
သေရာပါဖြစ်နေရပေါ့။
ပန်းကလေးရေ
ဘဝမှာ အချစ်တစ်ခုနဲ့ ဝမ်းမပြည့်ပေမဲ့
ကဗျာတစ်ခုနဲ့ ဝမ်းဖြည့်နေရတဲ့ ဘဝမှာ
ကိုယ်ဟာ အရာရာ ကျရှုံးသူပါ။
(ရုပ်ဝတ္ထုတွေ မှာပါ )
ပန်းကလေးရေ
အကြင်နာတွေနဲ့
ရင်ဗလာမဖြစ်သေးတော့
ငါကတော့
ဒဏ်ရာတွေနဲ့ ချစ်နေတုန်းပေါ့ ။ ။
သိင်္ဂါလှိုင်(ကဗျာမြေသား)
ပန်းကလေး
ရနံ့ပေးပြီး ကွယ်ဝှက်
လေသင့်မှမွှေး
မင်း ဘယ်မှ များပွင့်လန်းနေလဲ ကွယ်။
မမြင်ရာ အရပ်ဆီက
တမင်ကာ ရနံ့ပေးပြီး
မကြင်နာ သူပစ်မုန်းသလား
မမေးရက်ပါ ပန်းကလေး။
အချိန်မှန် ပွင့်လန်း
မင်းက လေးနာရီပန်းလား
သင်ပျံတဲ့ ရနံ့အဆင်းနဲ့
မြင်ဘူးအောင် ကြည့်စမ်းချင်ရဲ့
မင်းထွက်ခဲ့ပါ။
ပန်းကလေးရယ်
အလွမ်းတေးလဲ မသီဆိုချင်တော့
ကမ္ဗည်းအက္ခရာ ပေထက်မှာ
အလင်္ကာ ရေးဖွဲ့လို့
လွမ်းလွန်းလို့ နေရတယ်။
ပန်းကလေuးရယ်
ရာသီတွေ ခြစား
ပြက္ခဒိန်ရက်တွေ ကျော်လာ
ဒဏ်ရာတွေသာ ဖြစ်နေခဲ့ရတယ်။
ပန်းကလေးရယ်
မြင်ချင်သူ ဒီမောင့်ခဗျာ
ကောင်းကင်ကို မော့ကြည့်
တနေရာရှိမယ် အတွေးနဲ့
ငေးနေလို့ နေရတယ်။
ပန်းကလေး
နေရောင်ခြည်ခပ် နွေးနွေးမှာ
လန်းဆန်းလို တင့်လှ
မင်းဘဝ သာယာပါစေ
ပန်းကလေး။
သိင်္ဂါလှိုင် (ကဗျာမြေသား)
"အစိမ်းကြွေ"
သြော်……
ကြွေတဲ့ရွက်
ဝါနေခဲ့ရင် ကောင်းပါတယ်………
အခုတော့………
စိမ်းနေတဲ့ရွက်မဝါခင်ကြွေကျ
ငါက
ကုက္ကိုရွက်ဖြစ်နေခဲ့တယ်…………
သိင်္ဂါလှိုင်(ကဗျာမြေသား)
"ညီမလေး......သို့"
ညီမလေး
ဟိုမိုးကုပ်စက်ဝိုင်းဆီတနေရာမှာ
စိတ္တဝိမုတ္တိဖြစ်တဲ့နေရာရှိတယ်
ညီမလေး။
ဘဝရဲ့ရှုပ်ထွေးခြင်းတွေကသောကဖြစ်စေခဲ့တော
စိတ်တွေကို သန့်ရှင်းနေရတယ်
ညီမလေး။
ဝဋ်တစ်ခုရဲ့တောင်းဆိုမှုက
ဘဝတစ်ခုလုံးထိုးကြွေးရတာကို
မလောက်င နိုင်အောင်ဖြစ်နေတော့
လည်းစင်းပေးယုံပဲ
တတ်နိုင်တော့တယ်
ညီမလေး။
ဘဝတွေက အတ္တတွေကို
ကြပ်စည်းထုပ်ထားတော့
ဖြေလျော့ဖိုဆိုတာ
တော်ယုံသတ္တိနဲ့တော့မရဘူး
ညီမလေး။
မသိမှုတွေက ပေါက်ဖွား
အချစ်တစ်ခုရဲ့ဖြူစင်မှုက
ခံစားတတ်သူတွေအပေါ်မှာပဲ
မူတည်ခဲ့တယ်
ညီမလေး။
အကိုတို့တွေက လောကမှာကပြ
ဇာတ်ရုပ်တစ်ခုဖြစ်ပေမဲ့
စောစောသေလို့နားရတယ် မထင်လိုက်ပါနဲ့
ခေါင်းပြောင်းကရတဲ့လူမလောက်တဲ့
ဇာတ်ပွဲတစ်ပွဲလိုပါ
ညီမလေး။
စိတ်တွေအေးငြိမ်းသောကဝေးဖို့ဆိုတာ
ဘဝမှာဖြစ်တည်လာသမျှအကောင်းမြင်မှဖြစ်မှာပါ
ညီမလေး။
ကံတရားချယ်လယ်မှုတွေက
မျက်စိတွေအမြင်ချို့စေလို့
ငရဲပန်းလဲကြာထင်တတ်တယ်
ညီမလေး။
အမြင်မမှားစေဖို့
အသိတရားတွေ လက်ကိုင်ထားလို့
မင်းဘဝလျှောက်လှမ်းနိုင်ပါစေ
ညီမလေး။
ရွှင်လန်းချမ်းမြေ့ပါစေ
ညီမလေး။
သိင်္ဂါလှိုင်(ကဗျာမြေသား)
"ဒီမြို့ ကို စိတ်ချထားလိုက်ပြီ သူငယ်ချင်း"
ဘာမှ ပူစရာ မလိုတော့အောင်
စိတ်ချထားလိုက်ပြီ
ငယ်သားတွေ ချနင်း
ငါဆရာကြီး အကျင့်မပျောက်သေးတာလွဲရင်
ဒီမြို့ကို စိတ်ချထားလိုက်ပြီ
အချင်းချင်းပခုံးချင်းယှဉ်တိုက်
နောက်ကျောကို ဓါးနဲ့ထိုးတတ်တဲ့ အကျင့်ကလွဲရင်
ဒီမြို့ကို စိတ်ချထားလိုက်ပြီ
တစ်ဇွတ်ထိုး သွေးဆူ
ဘာမသိညာမသိ သံယောင်လိုက်အော်တတ်တာလွဲရင်
ဒီမြို့ကို စိတ်ချထားလိုက်ပြီ
တစ်ဘက်အစွန်းရောက် အတွေး
သွေးနထင်ရောက် ဘဝင်မြင့်တတ်တဲ့အကျင့်ရှိတာ လွဲရင်
ဒီမြို့ကို စိတ်ချထားလိုက်ပြီ
ပရဟိတ အသင်းအဖွဲ့လေးတွေ စုလုပ်
အသင်းကြီးလာတာနဲ့အမျှ သွေးကွဲ အဖွဲ့ပျက်တာ လွဲရင်
ဒီမြို့ကို စိတ်ချထားလိုက်ပြီ
ရှေ့ကမသွား နောက်ကမလိုက်
ဖိနပ်တက်နင်းတတ်အကျင့် စွဲ လူကန့်လန့်တွေ ရှိတာက လွဲရင်
ဒီမြို့ကို စိတ်ချထားလိုက်ပြီ
တက်လာတဲ့မျိုးဆက်
ရောက်နေတဲ့ ခေတ်
ရှိနေတဲ့ သမိုင်း
အယောင်ဆောင် မျက်နှာဖုံး များက လွဲရင်
ဒီမြို့ကို စိတ်ချထားလိုက်ပြီ
ဒီမြို့ကြီး မားမားရပ်
သူ့ကျန်းမာရေးအတွက်
ငါ
___စိတ်
________ချ
____________ထား
_________________လိုက်
_______________________ပြီ
တကယ်
စိတ်ချထားလိုက်ပြီ
သူငယ်ချင်းရေ…………။
သိင်္ဂါလှိုင်(ကဗျာမြေသား)
31072014
20:55
