နေပူလောင်ခံထားရဲ့ စိတ်မှာ ပျော်ရွှင်စရာဟာ ရှာမရခဲ့ဘူး ကင်မလီ
အနာဂါတ် ဝတ်မှုံတွေ ကိုင်းဆက်၊အင်းဆက်တစ်ကောင်းရဲ့ တွားသွားခြင်းကို သံသယရှိခဲ့ပါသလား။
အမေးဟာ အမေးနဲ့ သေဆုံးနေခဲ့တဲ့ ကမ္ဘာမှာ လောင်ကျွမ်းခြင်းများငွေ့ငွေ့နဲ့ ယုံမှားခြင်းတွေလောင်ကျွမ်းလို့။ကင်မလီရဲ့ ချစ်ခြင်းတရားဟာ မွန်မြတ်သန့်စင်ခဲ့ပါတယ်။ဖယောင်းပန်းတစ်ပွင့်ရဲ့ အနိဋ္ဌာရုံ ကို လက်ညှိုးထိုး။
အစွန်းအထင်းကို ဇာချဲ့ပြတတ်တာ ဓမ္မတာပါ ကင်မလီ။ပြန်ချင်မနေနဲ့ တွေ့ချိန်တွေနဲလာပြီ။
သူ့ဘာသာ သူလမ်းလျှောက်နေတဲ့ ကင်းခြေများကို ငေးကြည့်ပြီး ခြေလှမ်းတွေ ရပ်မပစ်လိုက်ပါနဲ့။ ဘဝ အလှ ချစ်ခြင်းတရား မေတ္တာမှာမင်းဘယ်လို အဆိပ်သင့်ခဲ့ပါသလဲ။အထင်နဲ့ အမြင် လွဲနေတဲ့ လောကမှာ သတင်းလား
အတင်းလား သိပ်မသေချာ။ကွမ်းသွေးခံ ရှာရတာလောက် မခက်တဲ့ အဖြေမှာ လက်သင့်ရာ မြှောက်ထားခဲ့တာလေ။
မင်း ချစ်ခြင်းမှာ တကယ်တော့ အသေမစောခဲ့သင့်ဘူး ကင်မလီ။
အခုတော့ အသိုင်းဝန်း ပတ်ဝန်းကျင်ဆိုတာနဲ့ ဒဏ်ခတ်ခံလိုက်ရတဲ့ စနစ်တစ်ခုမှာ ငါတို့က ဓါးစာခံဘဝတွေ ဖြစ်နေလို့။
စိတ်ဟာ ပါလက်စတိုင်း နယ်မြေ။ဘဝက ဖခင်နိုင်ခံအတွက် အသက်ပေးရတဲ့ ဂျာမဏီက နာဇီ။
ရူးသွပ်မှု့အတွက် စတေးလိုက်ရတဲ့ ဘဝမှာ ငါ အမှားမကင်းခဲ့ဘူး ။တကယ်တော့ ဆိုးဆိုးဝါးဝါးမှားခဲ့တာပါ။
တကယ်သေဆုံးခြင်း ဖြစ်မဖြစ်အတွက် အခေါင်းကိုပြန်တူး မင်းခန္ဓာ ပြန်ရှာနေခဲ့ရတယ်။
စိတ်ဟာ တောက်လောင်နေတဲ့ မီလျံတွေအတူ Block hole ထဲ ပြုတ်ကျခဲ့တဲ့နောက် နောင်တတွေနဲ့အတူ
ဘဝဟာ ညှင်းသတ်ခံလိုက်ရပေါ့ ကင်မလီ။ဒီလိုနဲ့ ရှာမတွေ့တဲ့ ဘဝတစ်ခုအတွက် စိတ်ဟာ အကျဉ်းစံ ငရဲ ခန်းမှာ
စတေးခဲ့လိုက်တယ်။စံနစ်မှား လူမှု့ရေးထဲမှာ ရှင်သန် ခဲ့ရတဲ့ လောက အမှား။ ဝဋ်တစ်ခုရဲ့ ဝဋ်တစ်ခု အစားထိုးလိုက်တဲ့ဘဝ ဘယ်တော့မှ မငြိမ်းချမ်းခဲ့ဘူး။ အရှုံးပေးလိုက်ပြီး တစ်သက်သုံး မင်း အနိုင်ရခဲ့တာပါ ကင်မလီ။
သိင်္ဂါလှိုင်
25032015
17:31
Friday, March 25, 2016
နေပူလောင်ခံထားရဲ့ စိတ်မှာ ပျော်ရွှင်စရာဟာ ရှာမရခဲ့ဘူး ကင်မလီ
Subscribe to:
Post Comments (Atom)
No comments:
Post a Comment