ငှက်ဖျားဖြစ်နေတဲ့ ပထဝီ
=============
ခြေမကိုင်မိလက်မကိုင်မိ တိမ်တွေ
စီးနေတဲ့ မြစ်ထဲ
ရက်တွက်မှားနေတဲ့ ဒုက္ခတွေ မျောနေတယ်။
ဘယ်မြို့မှ မရောက်တဲ့ သင်္ဘောလေး
ရှောင်လွဲလို့မရ
ကျောက်ချကမ်းလေး တစ်ဖြေးဖြေးဝါးမြိုတာကိုပဲ
ငေးကြည့်။
ူကြွက်ထောင်ချောက်တစ်ခုရဲ့ နေရာမှား
သက်ရောက်မှု့မှာ
တိုက်ရိုက်အချိုးကျ ခံလိုက်ရတဲ့ မြစ်
ရိုင်းချင်တိုင် ရိုင်းနေတယ်။
တကယ်တော့
ဥယျာဉ်တစ်ခုမှာ ပျံသန်းသွားတဲ့ လိပ်ပြာတစ်ကောင်ရဲ့ တောင်ပံခတ်ခြင်းက
ဘာမှမသိလိုက်တဲ့ မျိုးစေ့တွေ အရွယ်မရောက်ခင်
သေဆုံးလို့။
သိင်္ဂါ လှိုင်
သိင်္ဂါလှိုင်
No comments:
Post a Comment