"ဆက်သွယ်မှု့ဧရိယာ ပြင်ပ အခြေနေ "
သို့လော သို့လော အခြေနေနဲ့
ဘာတွေ ဖြစ်နေလဲ မသိတော့
စိုးရိမ်စိတ်တွေ ဒီဂရီ မြင့်ခဲ့ပေါ့
မသိတဲ့ အဝိဇ္ဇာ က
ကြောက်စရာကောင်းတာ
အခုတော့ ပို့သိခဲ့ရတယ်
အသံမကြား
ရုပ်မမြင်ရတော့
ပျောက်ဆုံးသွားတဲ့ လေယာဉ်ပျံကြီး လို
ဘာတွေ ဖြစ်လို့ ဘယ်ကို ရောက်သွားလဲ အတွေးနဲ့
သွေးစုနာ ပေါက်နေသူ တစ်ယောက် ဘဝမျိုး
ထိုင်မရ ထမရ
ငါ့ စိတ်တွေ
ဆေးပျက်သူ တစ်ယောက်လို ဖြစ်နေ
တကယ်ဆို
အမှန်တွေ ချပြသင့်နေပါပြီ
ဂယ်လိုဘယ်လိုက်ဇေးရှင်း ခေတ်ကြီးမှာ
ကမ္ဘာဟာ ရွာကြီးတစ်ရွာ ဖြစ်နေပေမယ့်
ငါ တို့မှာတော့
အသူရာ ချောက်ခြားနေသေးတယ်
ဆက်သွယ်မှု့ တွေ
ဘယ်ချိန် ထိ ဧရိယာ ပြင်ပ ဖြစ်နေအုံးမှာလဲ
အချိန် နဲ့ မျှ ပြောင်းလည်နေတဲ့ ခေတ်မှာ
အရာရာ ဖြစ်နိုင်စွမ်း ရှိလို့ပါ
စိုးရိမ်းနေတဲ့ စိတ်
ပင်ပမ်း လွန်းလှလို့
အဖြေ အတိအကျတော့ပြောပေးပါ
ကောင်မလေး……။
သိင်္ဂါလှိုင်
03052014
18:40
သိင်္ဂါလှိုင်
No comments:
Post a Comment