"ဘုရာသခင် ထံမှာပဲ အေးချမ်းရမယ့် ဘဝတွေ ဖြစ်နေကြပြီလား"
စူးမြနေတဲ့ အလင်းတို့
ငါ မျက်လုံး
ထိုးစိုက်နေကြတယ်
ခန္ဓာကို တစ်ခုလုံးကိုလဲ
သူတို့ ဝါးမြို ၊
အလင်းက အလင်းကို သတ်
လောက ကြယ်တွေ ချွေချခဲ့
ရာသီ
အဝါရောင် ခပ်ပြင်းပြင်းများ
ပတ်ဖြန်းထားပေါ့
ခန္ဓာကိုယ်အရေပြားမှ မျက်ရည်တွေ
ယိုစီးကျနေတဲ့ နေ့
ပူလောင်နေတယ် ဆို အော်ပြောနေရတာကို
ဖက်ရှင် တစ်ခုလို ဖြစ်ခဲ့
သောက ဆိုတဲ့ အပူကို
အပူကအပူကို ဟာသပြု
တနေ့သွားရမယ့် ခရီးအတူတူ ဖြစ်ပေမဲ့
စိမ်းလန်းခြင်း အရွက်တွေ မဝေခင်
ဒီကြယ်တွေ ကြွေကြွေ ကျ
စေတန်ရဲ့ သားရိုင်းတွေ ဝမ်းသာစေတဲ့
ခဏ တာမှာ
ငါတို့ ဘဝ တွေ လဲ ကြွေကျပြမှ
ဒီရာသီမှာ
အေးချမ်းရတော့မလား
ဒီအရပ်နဲ့ ဒီဇာတ်က
ဒီလို ကြွေမှ
ဒီဘဝ
ဒီလိုပဲ အေးချမ်းသွားပြီလို့ ဖြေဆည်ရမှာလား
ရွက်သစ်တွေ အညွှန်မထွက်ခင်
ဒီငရဲ လောင်းကောင်
အာဏာဆူးတွေက
ရေသောက်မြစ်တွေ ကိုက်ဖြတ်နေကြ
ဘဝတွေ
ကန္တာရ ဖြစ်လို့
ငါတို့တွေ
ပင်လယ်ပျောက်တဲ့ မြစ်အဖြစ်
သဲပူတွေထဲမှာ ပဲ ဆုံးရှုံး
သေခြာပြီ
ငါတို့ မျိုးဆက် အသစ်များ
ဆက်ချကြွေးရတော့မယ်……။
သိင်္ဂါလှိုင်
22042014
14:18
သိင်္ဂါလှိုင်
No comments:
Post a Comment